Nafarroako Osasun Plana 2014- 2020

Jarraipena eta ebaluazioa Osasun Planean proposatutako ekintzak gauzatzeko, beharrezkotzat jo zen ahalik eta profesional eta herritar gehien engaiatzea. Horretarako, hasiera batean, Osasun Planaren Koordinazio Batzordea sortu zen, eta gero, batzorde tekniko bat Osasun Planeko estrategia bakoitzeko. Batzorde tekniko bakoitzeko, berriz, lantalde teknikoen eraketa definitu behar zuen. Hartara, jatorri eta lanbide arlo desberdinetako 500 profesional baino gehiago engaiatu zituen 50 lantalde baino gehiagotan: Oinarrizko Osasun Laguntzako profesionalak eta ospitaletakoak, gizarte lanekoak, medikuntzakoak eta erizaintzakoak, osasun laguntzakoak eta kudeaketakoak, baita herritarren ordezkariak ere 2017ko abenduaren 31rako, Osasun Plana bere erdira iritsita, “Clave” adierazleen arabera neurtutako osasun emaitzek adierazi dute  %82an lortzen dela osasun helburua eta eginak edo bidean daudela proposaturiko ekintzen %88. Funtsezko adierazleak 2014-2020rako Osasun Plana erdira iritsita Ebaluazioaren zabalkundea egiteko Txostena, 2014-2020rako Osasun Plana erdira iritsita  Nabarmentzekoa da Nafarroako Osasun Departamentuan geroago egin diren bestelako plan eta estrategiak Osasun Planarekin lerrokatu direla: “Osasunaren alde bidea eginez” Osasunbidearen 2015-2020rako Estrategia ; Osasun Publikoaren 2016-2020rako Plana  eta Osasun Mentalaren 2019-2023rako Plana ,  Zahartze Aktibo eta Osasungarrirako 2017-2022rako Estrategia, eta Oinarrizko Osasun Laguntzaren 2018-2022rako estrategia. Orobat, nabarmentzekoa da Osasun Planaren Unitate Teknikoak parte hartu duela 2030 Agendari loturiko Garapen Jasangarriaren Batzordean (Agenda NBEak onetsi zuen Garapen Jasangarrirako Gailurrean, 2015eko irailean). Bereziki 3. helburuan eman du laguntza (“Guztiontzat eta adin guztietan bizimodu osasungarria bermatzea eta ongizatea sustatzea”).  

Antolatzeko estrategia

2016aren hasieran Nafarroako 2014-2020rako Osasun Planari jarraipena egiteko egitura eratu zen, estrategia bakoitzerako arduradunak izendatuz eta batzorde teknikoak egituratuz zegozkien foru aginduen bidez. Orobat 2016an, Osasun kontseilariaren maiatzaren 30eko 199E/2016 Foru Aginduaren bidez, abuztuaren 16ko 328E/2016 Foru Aginduaren bitartez aldatu baitzen, Osasun Planeko Koordinazio Batzordea eta Unitate Teknikoa definitu ziren, eta haren helburuak eta ardurak ezarri, besteak beste batzorde desberdinei sostengu ematea. Batzorde horiek, berriz, kontu eman beharko diote, urtero, Koordinazio Batzordeari, baita Osasun Planaren azken ebaluaziorako txostenak aurkeztu ere berari.