Koronabirusaren krisia kudeatzeko osasun antolamendua

COVID-19 koronabirusaren osasun krisia kudeatzeko Nafarroako osasunaren antolamendua

Koronabirusaren pazientearen zainketan hartu beharreko erabaki etikoen gaineko aholku batzordea (03/28 PO)

• Organo aholku-emailea eta diziplina askotarikoa,
• Operatiboa alarma-egoeran eta osasun-krisialdian.
• Osasun-sare publiko eta pribatuko pertsonek osatzen dute, eta Medikuen Elkargoko Batzorde Deontologikoko kideek parte hartzen dute bertan.

 
Eginkizunak:

• Pazienteen jardun klinikorako gomendioen aplikazioari buruzko erabaki konplexuei aurre egiten dieten profesionalei laguntzea, osasun-krisiaren egoeran baliabideak mugatuta daudenean, erabaki hauek hartzen direnean: zaintza kritikoak aplikatzea, tratamendu farmakologikoa, ebakuntza kirurgikoak, osasun-normaltasuneko egoeretan egokitzat jotako espazioak izatea eta pazienteari arreta ematen dion profesionalak osasun-normaltasuneko erabaki zehatzak hartzean dituen beste dilema etiko guztiak.
• Pazientearekin eta familiarekin hitz egitea bultzatzea, kasu bakoitzean hartzen diren erabakietan inplikatutako pertsonen balioak eta lehentasunak integratzeko.
• Laguntza ematea profesionalei eta gizarteari jakinarazteko neurri bereziak aplikatu behar direla ezohiko osasun-krisiaren testuinguru batean, justizia banatzailearen printzipio etikoan oinarrituta eta gizarte osoarentzako onurarik handiena bilatuz.

Lehen mailako arreta funtsezko pieza da koronabirusaren aurkako estrategian. Osasun etxeek eta kontsultategiek beren jarduera berrantolatu dute:

• Covid19aren aurreko arreta lehenetsiz
• Atzeraezinak diren patologien arreta bermatzea.
• Covid-19agatik etxeko isolamenduan dauden pazienteei jarraipen telefoniko pertsonalizatua egitea, haien inguruabar pertsonal eta sozialetara nahiz gaixotasunaren klinikara egokituz.

 
Ezohiko irekiera Barañain II, Ermitagaña, Antsoain, Mendillorri eta Azpilagañeko osasun etxeetan asteburu eta jaiegunetan, arnas prozesu akutuak (eztula, disnea edo sukarra) dituzten pazienteen arreta bermatzeko.

Iruñeko ospitalez kanpoko larrialdiak,

• Bi arreta-zirkuitu desberdin prestatzea, herritarrei arreta egokia emateko. Alde batetik, arnas gaixotasunak dituzten pazienteei ematen zaie arreta, eta, bestetik, gainerako premiazko patologiei.
• Koronabirusa duten pazienteei arreta emateko profesionalen talde espezifikoak abian jartzea, mediku koordinatzaileen taldea indartuz.
• Koordinazioko erizainaren profil berria sartzea 112 telefonoan. 

Huarte, Noain eta Orkoiengo Larrialdi Periferikoak

• Ekipoak indartzea

Ospitalez kanpoko larrialdi zerbitzua (OSKA)

• PCR bidezko diagnostikorako laginak biltzeko ekipoa indartzea

Osasun aholkuko zerbitzua

• Erantzuteko gaitasuna indartzea, zortzi erizain izatetik 34 izatera igaroz, eta ordutegia luzatzea eguneko 24 orduak bete arte.

Ospitaleak

Nafarroako ospitaleei, sexu- eta ugalketa-osasunaren arretarako zentroei (SUOAZ) eta osasun mentaleko zentroei dagokienez, horiek lehentasuna ematen diote kontsulten, ebakuntza kirurgikoen eta proba diagnostikoen jarduerari, irizpide klinikoen arabera, eta, nolanahi ere, zain egon ezin daitezkeen kasuen arreta bermatzen dute.
 
Osasun-arreta bermatzen da zentro espezializatuetan, zentroen jarduera garatzeko ezinbestekoak diren zerbitzuetan, baldintza hauetan:
 

• Ospitaleratzea: gaitasun logistikoaren %100.
• Jarduera pautatua garatzen duten zerbitzuak (hemodialisia, eguneko ospitaleko tratamendu onkologikoa, Hematologiako eguneko ospitaleko tratamendua, Minaren Unitatean etengabeko tratamenduan dauden pazienteei arreta ematea, erradioterapia-tratamenduak, simulazioa eta plangintza, eta lehentasunezko eta ospitaleratutako pazienteei arreta ematea errehabilitazioan).
• Urgentziazko ebakuntza kirurgiko oro eta jarduera guztia larrialdietan, ZIUn, AOBUn, Koronarian, Iktusen Unitatean, Erditzeen Arloan eta antzeko unitateetan.
• 20. asteko ekografia eta amniozentesia.
• Farmazia zerbitzua: ospitalean dauden eta tratamendu onkologikoak eta pautatuak dituzten pazienteendako arreta.
• Nafarroako Odol eta Ehun Bankua: hemoderibatuak ateratzea bermatuko da, Nafarroako Foru Komunitateko ospitaleak hornitzeko, gaitasun logistikoaren %60ra bitarte jarriz.
• Transplanteen koordinazioaren funtzionamendua.

Ospitaleko Larrialdiak

Arnas patologiari arreta emateko zirkuituak, gainerako larrialdietatik bereizitako espazio eta prozedura espezifikoak zehaztuta.
Nafarroako Ospitalegunean, Larrialdi Zerbitzutik kanpo dauden beste kontsulta batzuetan erantzuten hasi dira aurpegi-masailetako, Otorrinolaringologiako, psikiatriako eta traumatologiako premiazko kontsultak.

Nafarroako osasun-sistemako BALIABIDEAK
 
Nafarroako ospitale-sarearen edukiera: (2020/03/23)

• - Oheak, 1.466 ohe inguru; horietatik %50 COVID patologiari arreta emateko izan daitezke.
• - Zainketa intentsiboetako 120 postu espezifiko arte izateko aukera.
• - Etxeko ospitalizazioko plazak: 251 plaza, patologia hori artatzeko.

 
Giza baliabideei dagokienez, estamentu guztietako 15.000 profesional inguruk egiten dute lan osasun-sare publikoan eta pribatuan. Gainera, martxoaren 20an, Nafarroako Gobernuak 271 osasun-profesional ditu, kontratazio-zerrendak agortuz gero lanean hasteko prest (hainbat espezialitatetako 54 mediku eta gainerako osasun-lanbideetako 217 mediku).

ZIU ohe aktiboak eta erabilgarriak 
 

OSPITALEAK

FARMAZIAK