Foru Dekretuaren Proiektua, zeinaren bidez sortu baitzen Nafarroako Foru Komunitateko Berme eta Ebaluazio Batzordea eta osasun profesionalen kontzientzia eragozleen erregistroa (eutanasia arautzen duen martxoaren 24ko 3/2021 Lege Organikoa)

2021eko martxoaren 25ean argitaratu zen Estatuko Aldizkari Ofizialean, 72. zenbakian, Euthanasia arautzen duen martxoaren 24ko 3/2021 Lege Organikoa.

Lege horren V. kapituluak berme- eta ebaluazio-batzordeak aipatzen ditu. Batzorde horiek autonomia-erkidego guztietan eta Ceuta eta Melilla hirietan sortu behar dira, lege honen xedeetarako. Horietako bakoitzaren osaera diziplina anitzekoa izanen da, eta gutxienez zazpi kide izan beharko ditu; horien artean, medikuak, erizainak eta legelariak egonen dira. Era berean, ezartzen du batzorde horiek eratu behar direla aipatutako 17. artikulua indarrean sartu eta hiru hilabeteko epean; araua Estatuko Aldizkari Ofizialean argitaratu eta biharamunean sartu zen indarrean, Legearen gainerako atalak ez bezala. Bestalde, Lege Organikoaren 16. artikuluak aitortzen du hiltzeko laguntza ematearekin zerikusi zuzena duten profesional sanitarioek kontzientzia-eragozpena izan dezaketela, eta ezartzen du osasun-administrazioek sortu behar dutela kontzientzia-eragozle diren profesional sanitarioen erregistro bat, eta erregistro horretan jasoko direla laguntza hori emateko kontzientzia-eragozpenaren adierazpenak. Erregistro horren helburua izanen da osasun-administrazioari beharrezko informazioa ematea, hiltzeko laguntzaren kudeaketa egokia berma dezan. Erregistroak bete beharko ditu konfidentzialtasun zorrotzaren printzipioa eta datu pertsonalak babesteko araudia.

71/2021 FORU DEKRETUA, uztailaren 29koa, zeinaren bidez sortzen baitira, batetik, Nafarroako Foru Komunitatean hiltzeko laguntza emateko Berme eta Ebaluazio Batzordea, eta bestetik, Hiltzeko laguntza emateko kontzientzia-eragozpenak dituzten profesional sanitarioen Erregistroa.