Nafarroako Foru Komunitatean Lehen Hezkuntzako etapako irakaskuntzen curriculuma ezartzen duen Foru Dekretuaren proiektua
Hezkuntza Departamentua
Prozesu honi buruz
Prozesu hau honi dagokio Araudietan parte hartzea
Nafarroako Foru Komunitatean Lehen Hezkuntzako etapako irakaskuntzen curriculuma ezartzen duen Foru Dekretuaren proiektua.
Abenduaren 29ko 3/2020 Lege Organikoak, Hezkuntzari buruzko maiatzaren 3ko 2/2006 Lege Organikoa aldatzen duenak, aldaketa garrantzitsuak sartzen ditu arauaren aurreko idazketan, jatorrizko testuan aurreikusitako neurriak hezkuntza-sistema XXI. mendeko erronketara egokitzeko.
Lehen Hezkuntzari dagokionez, maiatzaren 3ko 2/2006 Lege Organikoaren testu berriak hezkuntzaren printzipio eta helburuen artean aipatzen du, besteak beste, haurren eskubideak benetan betetzea Nazio Batuen Haurren Eskubideei buruzko Konbentzioan ezarritakoaren arabera, hezkuntza inklusioa eta Ikaskuntzaren Diseinu Unibertsalaren printzipioak aplikatzea.
Lehen Hezkuntzako gutxieneko irakaskuntzak eta haien antolamendua ezartzen dituen martxoaren 1eko 157/2022 Errege Dekretua argitaratu ondoren, Nafarroako Gobernuari dagokio, lege organikoak berak emandako erantzukizuna bere gain hartuta, Nafarroako Foru Komunitateko Lehen Hezkuntzaren etapako irakaskuntzen curriculuma ezartzea foru dekretu honen bidez.
Dokumentazioa
Onarpena
67/2022 FORU DEKRETUA, ekainaren 22koa, Nafarroako Foru Komunitateko Lehen Hezkuntzaren etapako irakaskuntzen curriculuma ezartzen duena.
Partekatu: