Nafarroako toki administrazioaren erreforma

Nafarroako Gobernuak toki administrazioaren erreformari ekin dio, XXI. mendeko errealitatearen eskakizun berrietara egokitzeko.  Prozesu honen helburua antolaketa berri bat definitzea da, bere eskumenak herritarren aurrean bete, eta haien eskubide zibilak eta parte-hartze aktiboa bermatzeko gai izanen dena. Eredu horrek, gainera, lurralde orekaren printzipioan oinarritutakoak, lagungarria izan beharko luke Nafarroako Gobernuaren politika sektorialak garatzeko.

Parte-hartze prozesuak hiru arlo nagusi ditu ardatz: eskumenak zedarritzea, toki entitateen diseinuaren antolaketa eta egitura, eta finantzaketa. Prozesu hau hiru fasetan eginen da, bi urteko epean.

Hiru lantalde eratu dira, batera ari direnak aurrera egiten. Horietako bat udal hautetsiek osatua dago, NUKFek modu autonomoan zuzendua, eta erabakiak hartzeko ahalmena duen bakarra da. Beste talde bat adituek osatu dute, eta beste bat, azkenik, Toki Administrazioko funtzionarioek, proposatutako alternatibei erantzuteko beren ikuspuntu tekniko, juridiko eta ekonomikoa ematen dituztenak.