Operatzaileek aurkeztu beharra dute azpiegituren lurralde plan bat, non jasoko baitira lehendik dauden estazio finkoak eta sare osoa ezartzeko eta garatzeko aurreikuspenak. Plan horrek behar den informazioa emanen du instalazio horiek lurralde antolamenduan egoki integratzeko, eta ziurtatzeko betetzen direla foru lege honetan ezarritako mugak.
 

Nafarroako Foru Komunitateak osasun, ingurumen eta lurraldearen antolamendu arloan dituen eskumenak baliatuta, 10/2002 Foru Legeak xede du uhin elektromagnetiko ez-gidatuen bidezko telekomunikazioko oinarrizko estazioak eta telekomunikazioetarako azpiegiturak arautzea, herritarren osasuna zaintzeko eta prebentzio neurriak hartzeko eta, halaber, azpiegitura horien hedapen neurrigabeak ingurumenean, hirigintzan eta bisualki izan dezakeen eragina gutxitzeko; lege honek orobat bilatzen du telekomunikazio zerbitzuentzako