“Noche de Parti” antzerkiaren aurkezpena, gazteek gai publikoetan parte har dezaten helburuarekin. Nafarroako Gobernuak, Iruñeko Udaleko Gazteriaren Etxearekin lankidetzan, gazteei zuzendutako antzezlan bat aurkezten du, herritarren parte-hartzea sustatzeko eta balioesteko. Hurrengo estekan informazio gehiago lortu daiteke.

Nafarroako Gobernuaren informazio publikoa berrerabiltzeko “Datu irekiak”. Ekimen hori funtsezkoa da Nafarroako Foru Administrazioaren gobernu irekiaren ereduan, eta Nafarroako Gobernuak datu publikoak muga teknikorik eta legalik gabe erakusteko hartutako konpromisoaren emaitza da, partikularrek eta enpresek datu horiek berrerabili, banatu eta beren beharrak asetzeko tresnak eta zerbitzuak sor ditzaten, merkataritza helburuekin edo halakorik gabe.

“Parte hartu, Nafarroa!” aurkezpena. Tresna horrek funtsezko pieza izan nahi du Nafarroako Foru Administrazioaren eta herritarren gobernantza ereduan, komunitate demokratikoagoa eta gardenagoa eraikitzeko, protagonismoa emanez bertan bizi direnei. “Parte hartu, Nafarroa!” plataforma software libreko proiektu batean oinarritzen da, eta sektore publikoaren eta arlo komunaren arteko baterako ahalegin bat da, hainbat erakundek garatu dutena herritarren lankidetza aktiboarekin.