Informazio publikoa, Nafarroako Foru Komunitateko Ureztalurren Foru Plana eguneratzeko Ingurumen-ebaluazio estrategikoarena

Nekazaritzako Azpiegituren Zerbitzuak, Ureztalurren Foru Planaren sustatzailea den aldetik, jendaurrean jarri behar du plan horren hasierako bertsioa, ingurumen-azterketa estrategikoa kontuan hartuta, Ingurumen-ebaluazioari buruzko abenduaren 9ko 21/2013 Legearen 21. artikulua bete dadin. Ingurumen-azterketa estrategikoan jarduketaren xedeko ingurunea (fauna, landaredia, lurzoruak, naturagune babestuak, ondare historikoa eta abar) deskribatzen da, aurreikusitako jarduketek izan dezaketen inpaktua aztertzen da eta prebentzio eta zuzenketa neurriak zehazten dira ahalik eta inpaktu gutxien egon dadin.