Hiri-erabilerako Uraren Ziklo Integralaren Plan Zuzentzailea

2019-2030 Hiri-erabilerako Uraren Ziklo Integralaren Plan Zuzentzaileak, Nafarroako Gobernuko Landa Garapeneko, Ingurumeneko eta Toki Administrazioko Departamentuak sustatu eta zuzendutakoak, Uraren 2000ko Esparru Zuzentarauaren printzipioak hartzen ditu eta Foru Komunitatearen tresna nagusia izango da klima-aldaketaren aurkako eta ur-arloko ekonomia zirkularraren aldeko borrokarako. Halaber, Nafarroak 2030erako duen urari buruzko esparru-estrategia integratu berriaren pilareetako bat da.

Lidergoan eta zerbitzu publikoan oinarrituta, hornidura eta saneamendua benetako hiri-proiektu integral bihurtzea planteatzen du planak, kontsumo moderatu eta jasangarriak bideratuz eta ingurumenean ahalik eta inpaktu txikiena eraginez. Beste alde batetik, amaiera eman dio azken hiru hamarkadetan egindako eskaera bati, alegia, hornidura- eta saneamendu-arloan berezko araudi bateratua izateari Nafarroarako; izan ere, bi arau desberdin zeuden orain arte: bata, 1998ko hornidura-plana, formalki onetsi ez dena oraindik, eta 1989ko saneamendu-plana.

2019ko maiatzaren 8an onetsita, 2016an hasitako prestakuntza-prozesua amaitu da. 2016an eta 2017an, planaren idazketa eta diagnostikoa garatu ziren. Gainera, 2017ko lehen seihilekoan, Erriberako hiri- eta industria-hornidurari buruzko kontraste- eta partaidetza-prozesua egin zen. 2017ko abuztuan osatu zen lehen zirriborroa eta “irismeneko txostena” azaroan eman zen. Partaidetza publikoko prozesua 2018ko urtarriletik maiatzera bitartean egin zen. 2018ko abendutik 2019ko otsailera bitartean egin zen Jendaurreko prozesua eta kontsulta.

Jarraian, behin betiko onetsitako planaren dokumentazio nagusia duzu eskuragarri eta prozesu osoan zehar sortutako dokumentazio guztia atxikitutako estekan.

 

Fitxa

Legealdia: 
2015-2019
Departamentua: 
Landa Garapeneko, Toki Administrazioko eta Ingurumeneko Departamentua
Unitate arduraduna: 
Toki Administrazioko Zuzendaritza Nagusia
Tipo: 
Plana
Data azken gaurkotzea: 
2019/05/22, Asteazkena