II. Nafarroa Kanpo Ekintzaren Plana 2025-2028
Erlazionatutako edukiak:
ERABAKIA, Nafarroako Gobernuak 2025eko maiatzaren 7an hartua, II. Kanpo Ekintzaren Plana 2025-2028 onesten duena.
II. Kanpo Ekintzaren Plana 2025-2028 xede nagusia da ibilbide-orri bat izatea Nafarroako Gobernuak egiten dituen jarduerak gidatzeko, Nafarroak ahots propioa izan dezan Europan, eta eragile globala izan dadin munduan, aliantzak eta lankidetza bultzatzeko komunitatearen mesedetan, eta mugaz gaindiko gure kokapen geografikoa abantaila estrategiko gisa erabiltzeko.
Planaren helburu nagusia da Nafarroako Foru Komunitatearen kanpo ekintza planifikatzea, koordinatzea, bultzatzea eta ikusaraztea, Nafarroako Gobernuko beste departamentu batzuekin lankidetzan, Nafarroa eragile global eta bereizi gisa kokatzeko Europan eta nazioartean.
Planaren hiru ardatzetako bakoitzean adierazle batzuk planteatu dira, planaren jarraipenean parte hartzen duten pertsona eta erakunde guztientzat baliagarri izan daitezen, abian jarritako helburu, tresna eta programen arteko doikuntza ebaluatzeko eta bermatzeko, lortutako emaitzak baloratzeko, eta neurri gehiago definitzeko.
Adierazleen bilketa 4 urtekoetako bakoitza amaitzean egingo du Kanpo Harremanetarako zuzendari nagusiak gidatuko duen talde batek, eta Planaren Gobernantzako kideek osatuko dute talde hori.