Foru Agindu Proiektua, zeinaren bidez garatzen baita erabilera libreko prestazio ekonomikoa Komunitateko egoitza-zerbitzuetan bizi diren pertsona hauendako: adinekoak, mendekotasun egoeran daudenak, desgaitasuna edo nahasmendu mental larria dutenak

Arau-proiektu honekin, erregelamendu bidez garatu nahi da erabilera libreko prestazio ekonomikoa, zeina bermatzen eta arautzen baitu ekainaren 17ko 69/2008 Foru Dekretuak, Gizarte Zerbitzu Orokorren Zorroa onesten duenak. Honako arlo hauetan garatu nahi da: mendekotasuna (I B 20 eranskina), adinekoak (I C 8 eranskina), desgaitasuna (I D 12 eranskina) eta gaixotasun mental larria (I E 13 eranskina).

Prestazio horrek erantzuten die modu iraunkorrean egoitza-zerbitzu batean, edozein modalitatetan, ingresatuak dauden eta baliabide ekonomikorik edo familiarrik ez duten pertsonen beharrei, gutxieneko diru-sarrerak izan ditzaten oinarrizko gastu jakin batzuk estaltzeko, hala nola higiene pertsonaleko produktuak, arropa, garraioa, aisialdia, etab.

Garapen honen bidez, honako hauek zehaztu nahi dira: xedea, helburua eta aplikazio-eremua, eskuratzeko baldintzak, zenbatekoa, laguntzaren kalkulua, aitorpena, ordainketa eta prestazioa emateko beharrezkoak diren beste gai batzuk.


6/2022 FORU AGINDUA, urtarrilaren 11koa, Eskubide Sozialetako kontseilariak emana, zeinaren bidez garatzen baita erabilera libreko prestazio ekonomikoa Nafarroako Foru Komunitateko egoitza-zerbitzuetan bizi diren adineko pertsonentzat, mendekotasun egoeran dauden pertsonentzat, desgaitasuna duten pertsonentzat edo gaixotasun mental larria duten pertsonentzat