Nafarroako Gobernuak urtero onesten du urtean zehar garatu beharreko parte hartzeko prozesu garrantzitsuenen plangintza, politika publikoak diseinatu, prestatu, onetsi eta ebaluatzeko, bereziki plan eta programei, arauak egiteari eta beste ekimen batzuei dagokienez, eta saiatzen da prozesu horietan pixkanaka formalki eskatzen denaz haratago doazen partaidetza-tresnak barne har daitezen.

2021etik, urteko partaidetza plana zein epetarako egin den, epe hori igaro ondoren, azalpen publikoa emanen du haren betetze-mailari buruz.

Gobernu Irekirako Aliantzarako (OGP) Nafarroako I. Gobernu Plana onetsi zen Gobernuak 2025eko otsailaren 5ean hartutako erabakiaren bidez.

Nafarroako Lurraldeari buruzko Informazio Sistemaren (SITNA) 2024-2028 aldirako Plan Estrategikoa 2024ko maiatzaren 18an egin bilkuran onetsi zuen haren kide anitzeko organoak, hau da, SITNAko Koordinazio Batzordeak, eta Nafarroako Gobernuak 2024ko abenduaren 11n hartutako erabakiaren bidez berretsi zen.