Foru Lege Aurreproiektua, ekainaren 20ko 8/2006 Foru Legea, Nafarroako Segurtasun Publikoari buruzkoa, aldatzekoa

Politika publikoetan parte hartzeko eta horiek aztertzeko bide finkoetako bat dira kide anitzeko organoak, betiere bete nahi dituzten beharretarako egokiak eta proportziozkoak badira. Eginkizun berberak dituzten organoak bikoiztu edo ugaltzeak eta antolamendurik gabeko osaketa eta funtzionamendua izateak operatibitatea kendu eta afuntzional bilaka dezakete sistema organiko hori, politika publikoei egin diezaiokeen ekarpena ezerezean utziz. Horregatik, segurtasun publikoaren sistema berrantolatu beharra dago, kide anitzeko organoen kopurua murrizteko, eginkizunak bikoiztuta dituztenak edo operatibitate faltagatik sistemari inolako baliorik ematen ez diotenak kenduz edo elkartuz.