Nafarroako Gizarte Zerbitzuen Plan Estrategikoa 2019-2023
Eskubide Sozialetako Departamentua
Prozesu honi buruz
Prozesu hau honi dagokio Partaidetza prozesuak
Eskubide Sozialetako Departamentuak Nafarroako Gizarte Zerbitzuen Plan Estrategikoa (2019-2023) prestatzeko prozesua hasi du.
“Nafarroako Gizarte Zerbitzuen Plan Estrategikoa” plangintza parte-hartzaileko prozesu oparo baten bukaera da; bertan plan eta dokumentu estrategikoak sortu eta onetsi ahal izan dira (horietako batzuk oraindik prestatzen ari dira), zalantzarik gabe, gure gizarte zerbitzuen plangintza estrategikoari dagozkion edukiak jasotzen dituztenak:
- Nafarroako Foru Komunitatean familia, haurtzaroa eta nerabezaroa laguntzeko II. Plan Integrala 2017-2023 (PFIA).
- Nafarroako Gizarteratze Plan Estrategikoa (2018-2021) (PEI).
- Mendekotasunaren Plan operatiboa (POD).
- Nafarroako Gizarte Zerbitzuen Oinarrizko Laguntza berrantolatzeko proiektua (PAP).
Horrenbestez, ulertu behar da Nafarroako Gizarte Zerbitzuen Plan Estrategikoa (2019-2023) dokumentu honen eta aipatutako bosten batura dela (gizarte zerbitzuei dagokienez). Plan honen helburua da modu labur, bisual, eskuragarri eta praktikoan borobiltzea aipatutako bost instrumentuetan islatutako eta erabakitako azterketa eta plangintzako lan zabala.
Aipatutako dokumentu horiekin egin da plan hori, baita ebaluatu, aztertu, ikertu, gogoeta egin eta eztabaidatzeko beste prozesu batzuekin. Horien artean, aipatu behar dira aurreko Gizarte Zerbitzuen Plan Estrategikoarekin (2008-2012) lotura dutenak, zorroa, mapa, gizarte zerbitzuen eskaria eta eskaintza, mendekotasuna Nafarroan edo, besteak beste, Informazio sistema integratuarekin, itun sozialarekin edo Nafarroako gizarte zerbitzuen kudeaketa zuzenarekin lotura dutenak, oro har, Errealitate Sozialaren Behatokian egin eta jaso baitira, bai eta beste plan sektorial eta zeharkako plan batzuk ere.
Nafarroako Gizarte Zerbitzuen Plan Estrategikoa 2019-2023 2019ko maiatzaren 22ko Gobernu Bilkuran onetsi zen.
Jarraipena eta gauzatzea Gobernu Ekintzan egingo zaio.
Parte hartzeko aldiak
- Jendeaurrean ikusgai egon zen 2019ko martxoaren 22tik apirilaren 23ra.
Partekatu: