Nafarroako Gobernuaren Publizitate Instituzionaleko 2021. urteko plana

Komunikazioko eta Erakundeekiko Harremanetako Zuzendaritza Nagusiaren eskumena da, besteak beste, kontratazioa zentralizatzea publizitate-iragarkiak eta edozein euskarritako bestelako promozio jarduerak egiteko (irailaren 13ko 57/2010 Foru Dekretuaren 4. artikulua).
 
Zuzendaritza Nagusi honek egokitzat jotzen du, kudeaketa publikoaren gardentasunaren mesedetan, Nafarroako Gobernuaren 2021eko plangintza instituzionala ezagutaraztea. Horrela, 2017an hasitako praktika bati ekin dio berriro, COVID-19ren pandemiak iaz eten ondoren.  
 
Herritarrentzat baliagarria da, horren bidez baitakite publizitatera bideratutako baliabide ekonomikoek zein gai eta helburutan erabiltzea planifikatzen den, benetan egindako zerbitzu publikoa ebaluatu ahal izateko; eta, gainera, publizitate-merkatuari aukera ematen dio Foru Administrazioak sor ditzakeen negozio-aukerak ezagutzeko, hori baita gure erkidegoko publizitate-eragile garrantzitsuenetako bat.
 
Publizitatea kudeatzeko, lehentasunak ezartzen dira, baliabideak mugatuak direlako; jarduerak planifikatzen dira; emaitzak ebaluatzen dira; eta kudeaketa gardena da. Izan ere, Nafarroako Gobernuaren publizitatea kontratatzeko gastuen kontu zehatza ematen da sei hilean behin, Gobernu Irekiaren Atariaren bidez, open data formatuan.
 
Komunikabideak publizitate-euskarriak dira, eta horietan publizitate instituzionala kontratatzeko, Nafarroako Gobernuko eledun den aldetik Toki Administrazioko kontseilariaren 1/2003 Foru Aginduari jarraitu behar zaio. Foru Agindu horrek publizitate instituzionalaren inbertsioa arautzen du, eta audientzia ezartzen du komunikabideetan publizitatea banatzeko oinarrizko irizpide gisa.
 
2021erako publizitate-plangintzak 1.407.000 euroko inbertsioa aurreikusten du: horietatik 510.000 euro Komunikazioko eta Erakundeekiko Harremanetako Zuzendaritza Nagusiak finantzatuko ditu; eta 897.000 euro kanpainak sustatzen dituzten departamentuen aurrekontuen kargura ordainduko dira.
 
Plangintza honetan ez dira sartu koronabirusarekin lotutako kanpainak, bilakaera epidemiologikoak eragozten baitu epe luzerako publizitate-aurreikuspena egitea. Komunikazioko eta Erakundeekiko Harremanetako Zuzendaritza Nagusiak beste 400.000 euroko inbertsioa aurreikusi du pandemiarekin lotutako publizitate horretarako, eta Osasun Departamentuak ere finantza dezake publizitate zehatz hori.

 
Komunikabideak publizitate-euskarriak dira, eta horietan publizitate instituzionala kontratatzeko, Nafarroako Gobernuko eledun den aldetik Toki Administrazioko kontseilariaren 1/2003 Foru Aginduari jarraitu behar zaio. Foru Agindu horrek publizitate instituzionalaren inbertsioa arautzen du, eta audientzia ezartzen du komunikabideetan publizitatea banatzeko oinarrizko irizpide gisa.
 
2021erako publizitate-plangintzak 1.407.000 euroko inbertsioa aurreikusten du: horietatik 510.000 euro Komunikazioko eta Erakundeekiko Harremanetako Zuzendaritza Nagusiak finantzatuko ditu; eta 897.000 euro kanpainak sustatzen dituzten departamentuen aurrekontuen kargura ordainduko dira.
 
Plangintza honetan ez dira sartu koronabirusarekin lotutako kanpainak, bilakaera epidemiologikoak eragozten baitu epe luzerako publizitate-aurreikuspena egitea. Komunikazioko eta Erakundeekiko Harremanetako Zuzendaritza Nagusiak beste 400.000 euroko inbertsioa aurreikusi du pandemiarekin lotutako publizitate horretarako, eta Osasun Departamentuak ere finantza dezake publizitate zehatz hori.