Nafarroan herritarren parte-hartzea sustatzeko plana 2017-2019

Egungo Gobernuak adierazi du konpromisoa duela herritarren parte-hartzearekin, eta hala jaso du 2015-2019 urteetako Akordio Programatikoan.

Plan hau Herritarrekiko eta Erakundeekiko Harremanetako Departamentuak sustatu zuen, Lehendakaritzako, Funtzio Publikoko, Barneko eta Justiziako Departamentuarekin koordinazio estuan arituz, eta Nafarroako Gobernuko gainerako departamentuen elkarlana ere eskatu zuen. Planaren xedea da Gobernuari laguntzea, herritarren parte-hartzea sustatzeari dagozkion erabaki eta neurri koherenteak har ditzan. Planaren eginkizuna izanen da Gobernuari eta toki entitateei, lehentasunez, laguntzea helburu hori lortzeko, bai eta beste entitate ekonomiko eta sozial batzuei ere, parte-hartzea sar dezaten beraien funtzionamenduan eta kudeaketa ereduan.

Parte hartzeko prozesua bide desberdinetatik antolatu zen:

Lehenengo eta behin, planari buruzko jendaurreko jardunaldi bat egin zen 2016ko maiatzaren 19an, NAPIn; bertan aurkeztu ziren plana eta planak bete beharreko parte-hartze prozesua.

Aurkezpena egin ondoren, 2016ko maiatzean eta ekainean 6 mahai sektorial bildu ziren, eta ekarpenak eta proposamenak bidaltzeko aukera izan zen hortik aurrera, Gobernu Irekiaren atariaren bidez.

2016ko irailean eta urrian, eztabaidarako 5 mahaiak bildu ziren, eta foro bat ireki zen, online, planaren alderdi zehatzago batzuei buruz hitz egiteko. Epe horretan, halaber, plana jendaurrean jarri zen, herritarrek egoki jotzen zituzten ekarpenak, iradokizunak eta alegazioak aurkez zitzaten.

Amaitzeko, 2016ko azaroan itzulera jardunaldi bat egin zen, eta bertan aurkeztu zen bai amaierako txostena, prozesu osoan zehar jasotako proposamenak biltzen zituena, bai horren gainean hartutako erabakiak.

Nafarroako Gobernuak Herritarren parte-hartzea sustatzeko plana onetsi zuen 2017ko ekainaren 21ean.

Fitxa

Legealdia:

2015-2019

Departamentua:

Herritarrekiko eta Erakundeekiko Harremanetako Departamentua

Unitate arduraduna:

Komunikazioko eta Erakundeekiko Harremanetako Zuzendaritza Nagusia

Tipo:

Plana

Dokumentazioa:

Herritarren Parte-hartzea Sustatzeko Plana

Data azken gaurkotzea:

2019/08/21, Asteazkena

Erlazionatutako edukiak:

Prozesu osoa

Garatutako ekintzak

2019

Legealdiaren amaieran baloratu zen Nafarroako erakunde publikoek sustatutako herritarren parte-hartzerako mekanismo eta prozesuen garapena eta aztertu ziren hartutako neurrien eragina, programatutako ekintzen eta helburuen bidez egindako hedapena, horiek ebaluatuz eta hobekuntzak proposatuz.
Lan horren emaitza da Nafarroako Soziologia eta Politologia Elkargoak egindako Txosten hau: Herritarren parte-hartzearen sustapen publikoa ebaluatuz, hurrengo erronkak proiektatzeko, hiru eranskinekin batera.
Txostena: Herritarren parte-hartzearen sustapen publikoa ebaluatuz, ondoko erronkak proiektatzeko

Eranskinak:

Herritarren Parte-hartzea Nafarroan sustatzeko Planak aurkeztu ditu administrazioek sustatutako parte-hartzearen kontzeptu-esparrua, haren aurrekariak, eta 2015-2019 legegintzaldirako Nafarroako Gobernuak ezarritako helburuak eta neurriak. Lehen aldia da gure gobernuak plangintza bat duela arlo honetan. Txosten honetan jasotzen da Nafarroako Gobernuaren Herritarren Arretarako eta Partaidetzarako Zerbitzuak aipatutako planaren garapenari buruz egin duen balorazioa, baita 2019-2022 legegintzaldirako zenbait proposamen ere.

Sustapen planaren garapenari buruzko amaierako txostena

Kide anitzeko organoen amaierako ebaluazioaren txostena

2018

Eztabaida publikoaren Jardunaldia ondoko hauendako da: Administrazioko langileak, unibertsitateak, toki garapenerako agentziak, enpresak eta enpresa elkarteak, sindikatuak, lanbide elkargoak, komunikabideak, ikertzaileak, adituak, profesionalak, GKEak, herritarren eta profesionalen elkarteak eta interesa duten guztiak, oro har.

Nafarroako Gobernuak, 2017ko ekainaren 21eko Erabakiaren bidez, "Nafarroako Herritarren Parte-hartzea Sustatzeko 2017-2019 Plana" onetsi zuen. Txosten honetan ageri da programa nola gauzatu zen 2016an eta 2017an. Ebaluazio horren helburuak, hauexek: programan ezarritako neurrien ezarpen partziala zein izan zen adieraztea Gobernuko departamentuei eta bestelako entitate publiko eta pribatuei; eta programaren bukaera arte (2019) ditugun aurrerakuntzen eta erronka nagusien gaineko ikuspegi orokorra eta iritziak ematea.

Jarripen txostena

Jornada de debate dirigida al personal de la Administración, universidades, agencias de desarrollo local, empresas y asociaciones empresariales, sindicatos, colegios profesionales, medios de comunicación, investigadores, personas expertas, profesionales, ONGs, asociaciones ciudadanas y profesionales, público interesado en general.

2017

Jornada dirigida al personal de la Administración, universidades, agencias de desarrollo local, empresas y asociaciones empresariales, sindicatos, colegios profesionales, medios de comunicación, investigadores, personas expertas, profesionales, ONGs, asociaciones ciudadanas y profesionales, público interesado en general.