Prestakuntza: Zerbitzu publikoak hobetzeko diseinu-tresnak

Gobernu Irekirako Aliantzarako I. Ekintza Plana

DESKRIBAPENA:

Prestakuntza-ekintza hori sartzen da konpromiso honen barrenean: Parte hartzeko prozesuak egitea zerbitzu publikoak eta erabiltzaileen esperientzia hobetu ditzagun. Konpromiso hori da Gobernu Irekirako Aliantzarako Nafarroako I. Gobernu Planekoa. Zerbitzu publikoak hobetzeko, funtsezko estrategia da horiek modu parte-hartzailean diseinatzea, alderdi interesdun guztiek aktiboki parte hartuta; horrela, ziurtatzen da zerbitzu publikoek erabiltzaileen beharrei erantzunen dietela eta egungo gizartearen aniztasuna islatuko dutela.

Prozesu horrek barnean hartzen ditu erabiltzaileak, administrazioko langileak eta adituak. Herritarren laborategien bidez egin daiteke, bai eta berrikuntza irekiko laborategien edo erabiltzailearen esperientzia-proben bidez ere; hasieratik bermatu behar da parte-hartze inklusiboa.

Nafarroako Gobernuak esperientzia pilotu bat egin zuen herritarrei arreta emateko bulego berria irekitzeko, eta asmoa da esperientzia hori ireki nahi diren beste zerbitzu berri batzuetara zabaltzea, bai eta birdiseinatzea edo, besterik gabe, ebaluatzea eskatzen duten zerbitzuetara ere, haien funtzionamendua hobetzeko.

Azken urteotan, gero eta interes handiagoa dago pertsonen beharretatik sortzen den berrikuntzarekiko; izan ere, funtsezkoa da arazoak zuzenean ezagutzea, dela zerbitzu publiko baten erabiltzaileenak, dela hotel bateko bezeroenak, dela produktu baten erabiltzailearenak edo enplegatu batenak, irtenbide arrakastatsuak eskaini ahal izateko. Premia horiek elkarlanean egindako berrikuntza-prozesu baten hasiera dira.

Lan-ildo horretan kokatzen dira Design Thinking (DT) eta Zerbitzuen Diseinua: pertsonak ardatz dituzten berrikuntza-ikuspegiak dira horiek, eta diseinu-metodoak eta -tresnak erabiltzen dituzte erabiltzaileen premiak, aukera teknologikoak eta negozio-helburuak bateratzeko.

METODOLOGÍA:

Prestakuntza-metodologia izanen da learning by doing (eginez ikastea); eduki teorikoak eta azalpenak talde-laneko dinamikekin tartekatuko dira. Lan-dinamikak proiektuetan oinarritutako ikaskuntzaren bidez egituratuko dira; ezagutza teorikoak praktikan jarriko dira, zehaztasun-maila desberdinekin, eremu publikoarekin lotutako zerbitzuak diseinatzeko proiektu batean

HELBURU OROKORRAK:

• Zerbitzuak diseinatzeko metodologia eta haren oinarrizko tresnak ezagutaraztea. 
• Talde-lana, sormena eta proiektukako lana sustatzea, lankidetzaren kultura babestuz, administrazio publikoan balioa eta ideia berriak sortzen baititu. 
• Funtzionarioek bertatik bertara esperimentatzea elkarlanean nola sor daitekeen zerbitzu berri bat edo lehendik zegoen bat hobetu, horretarako zenbait tresna erabiliz, hala nola ikerketakoak, ideiagintzakoak, prototipoak egitekoak, testatzekoak eta abar, departamentu eta zerbitzu desberdinetako lankideekin talde-lanean arita.

IKASTAROAREN IRAUPENA: 20 ordu (5 ordu egunean, 4 egunez)

TOKI KOPURUA: 25

DATAK: maiatzaren 23a (ostirala); maiatzaren 30a (ostirala); ekainaren 2a (astelehena); eta ekainaren 9a (astelehena)

ORDUTEGIA: 09:30etik 14:30era

TOKIA: Pedro Mayo eraikineko 2. aretoan, NAPIn (Navarreria kalea 39, Iruña)

IRAKASLEAK: Carlos Romero Piqueras eta Sara Juste Lasierra (FRACTAL Strategy)

INFORMAZIO GEHIAGO ETA IZEN-EMATEAK: participacionciudadana@navarra.es helbidean edo 848426006 telefonoan