Aktiboa

Nafarroako Foru Komunitateak arku Mediterraneoko gainerako eskualdeen antzeko arazoa dauka ozonoari dagokionez eta, zehazki, oso antzekoa beste eskualde mugakide batzuetan dagoen arazoarekin, hala nola Aragoin, Errioxan eta EAEko hegoaldean. Foru Komunitatearen barnean, Erribera da historikoki ozono-baliorik handienak dituen eremua. Eremu horretan, izan ere, eskualdeko dinamika atmosferikoek eta komunitateak duen orografia bereziak kutsagarri horren kontzentrazioa eragiten dute Ebro ibaiaren ardatzean eta, bereziki, hego-ekialdeen dagoen inguruan, Tuterako Eskualdearen barnean.
Estazioen artean inon ere ez da gainditzen osasuna babesteko legez jasoa dagoen balio objektiboa, 2016az geroztik ikusitako joera berretsirik, baina 2019ra arte gainditu egin zen legez jasotako balio objektibo hori landareak babesteari dagokionez; azken bi urtean, dena den, Nafarroan erabat bete dira legeetan jasotako balioak.
 
Arrazoi hori dela medio, eta kontuan harturik bete egin behar dela airearen kalitateari buruzko urtarrilaren 28ko 102/2011 Errege Dekretuan ezarritakoa, hots, eremu edo aglomerazio jakin batzuetako giro-airean kutsagarrien mailek edozein muga-balio edo balio objektibo gainditzen dutenean, bai eta kasu bakoitzari dagokion tolerantzia-tartea ere, autonomia erkidegoek airearen kalitatea hobetzeko planak onetsiko dituzte eremu eta aglomerazio horietarako, kasuan kasuko muga-balioa edo balio objektiboa errespetatu dadila lortzeko. Horrenbestez, Ozonoak Kutsatutako Airearen Kalitatea Hobetzeko Plan hau egin da. Espero da plana lagungarria izatea Nafarroako Gobernuak ozonoaren aitzindariak murrizteko hartu dituen neurriak garatu eta finkatzeko; eta balio izatea, halaber, eremuan dagoen ozonoak laboreen produktibitatean eta/edo hazkuntzan izan ditzakeen inpaktuak ahalik eta gehien gutxitzeko.