Administrazio Publikoak, bere politiken diseinuan, betetzean eta ebaluazioan eta bere zerbitzuen kudeaketan, bermatu behar du herritarrek, bai bakarka bai taldeka, gai publikoetan parte hartzeko, laguntzeko eta inplikatzeko aukera izan dezatela.
Parte-hartze horren oinarrian gardentasuna dago, eta asmo kolektiboak lortu nahian beraiengandik zerbait eman nahi duten pertsonekin elikatzen da.
Edozein herritarrek du eskubidea parte-hartze erreala eta efektiboa izateko Gardentasunari, informazio publikoa eskuratzeari eta gobernu onari buruzko Foru Legean aipatzen diren plan, programa eta xedapen orokorretan, bai eta beste prozedura administratibo batzuetan ere, hala ezartzen bada.
Herritarrek parte har dezakete Administrazioak tramitatzen dituzten planak, programak, politika publikoak, kontsultak, inkestak, eta arauak egiteko prozedurak lantzen. Era berean, herritarrek erregelamenduen ekimenak proposa ditzakete eta jarduteko eta Administrazioarekin elkarlanean aritzeko proposamenak egin.