Herri Administrazioen Administrazio Prozedura Erkideari buruzko urriaren 1eko 39/2015 Legeak, 132. artikuluan ezartzen duenez, Administrazio Publiko bakoitzak araudiaren arloko plan bat jarriko du jendaurrean, hurrengo urtean onesteko aurkeztuko diren lege edo erregelamendu ekimenak jasoko dituena.

Suspertze, Eraldatze eta Erresilientzia Planaren esparruan eta Nafarroako Gobernuaren 2022ko martxoaren 2ko Erabakia betez, Kultura, Kirol eta Turismo Departamentuko kontseilariak, urriaren 23ko 61/2025 Foru Aginduaren bidez, Iruzurraren aurkako neurrien plana onetsi zuen, Kultura, Kirol eta Turismo Departamentuaren Suspertze eta Erresilientzia Mekanismoaren kargura finantzaturiko proiektuen kudeaketaren esparruan.

Adikzioak Prebenitzeko IV. Plana (2025 - 2030) 2025eko urriaren 15ean onartu zuen Gobernuak.

Planak 41 jarduera proposatzen ditu datozen sei urteetarako, 13 helburu espezifikotan eta 4 ildo estrategikotan bilduta. Foru Komunitatea adikzioen prebentzioarekin duen konpromisoa indartzen duen estrategia integrala, substantziadunak zein substantziarik gabeak.

2025-2027 Iruzur Fiskalaren aurkako Planaren helburu estrategikoa da zerga-betebeharrak borondatez betetzen laguntzea, zerbitzu publikoak finantzatzeko behar diren baliabideak modu zuzen eta nahikoan lortzeko.

Horretarako, planak hiru jarduera-ardatz nagusi ditu:

• Zergadunari informazioa eta laguntza ematea, zerga-betebeharrak betetzen laguntzeko.
• Iruzur fiskala prebenitzeko jarduerak.
• Iruzur fiskala kontrolatzeko jarduerak.

Ardatz bakoitzari dagokionez, Planak jarduera-ildo nagusi batzuk jasotzen ditu, 30 guztira.

Suspertze, Eraldatze eta Erresilientzia Planaren esparruan eta Nafarroako Gobernuaren 2022ko martxoaren 2ko Erabakia betez, Hezkuntza Departamentuko kontseilariak, azaroaren 18ko 75/2025 Foru Aginduaren bidez, Iruzurraren aurkako neurrien plana onetsi zuen, Hezkuntza Departamentuaren Suspertze eta Erresilientzia Mekanismoaren kargura finantzaturiko proiektuen kudeaketaren esparruan.

Suspertze, Eraldatze eta Erresilientzia Planaren esparruan eta Nafarroako Gobernuaren 2022ko martxoaren 2ko Erabakia betez, Osasun Departamentuko kontseilariak, ekainaren 4ko 199E/2025 Foru Aginduaren bidez, Iruzurraren aurkako neurrien plana onetsi zuen, Osasun Departamentuaren Suspertze eta Erresilientzia Mekanismoaren kargura finantzaturiko proiektuen kudeaketaren esparruan.

ERABAKIA, Nafarroako Gobernuak 2025eko maiatzaren 7an hartua, II. Kanpo Ekintzaren Plana 2025-2028 onesten duena.

ERABAKIA, Nafarroako Gobernuak 2025eko maiatzaren 28an hartua, Nafarroako Foru Komunitatean baso-suteak prebenitzeko, zaintzeko eta itzaltzeko 2025. urteko plana onesten duena.

2022an izandako suteen ondoren, Espainiako Gobernuak irailaren 20ko 17/2022 Errege Lege Dekretua onartu zuen.

Gastu publikoaren kudeaketan efizientzia eta eraginkortasun mailak hobetzeko beharrak eragin du Dirulaguntzei buruzko Plan Estrategikoa prestatzea.  Etorkizunean plana prestatu eta kudeatzeak aukera eman behar du zenbait elementuren arteko lotura ahalbidetzeko: lortu nahi diren helburuak, hura aplikatuta eragin nahi diren onura publiko edo sozialak, burutzeko behar den epea, aurreikusten diren kostuak eta haien finantzabideak, betiere, aurrekontu-kontsignazioa egonez gero.

Irailaren 13ko 57/2010 Foru Dekretuaren bidez, Nafarroako Foru Komunitateko Administrazioaren esparruan laguntza-kontratuak egiteko eskumenak berrantolatzen dituen abenduaren 17ko 255/2007 Foru Dekretua aldatu zen. Bertan, beste kontratu batzuen artean, publizitate instituzionaleko kontratuak zentralizatu ziren Nafarroako Gobernuarentzat eta haren erakunde autonomoentzat.